Eskoziako Museo Nazionala

Eskoziako Museo Nazionala
National Museums Scotland
Irudi gehiago
Kokapena
Estatu burujabe	Erresuma Batua
Herrialdea	Eskozia
Eskoziako kontseilu gunea	Edinburgoko Hiria
Koordenatuak	55°56′49″N 3°11′24″W
Historia eta erabilera
Irekiera	1998
Inaugurazioa	1998
Arkitektura
Arkitektoa	Benson & Forsyth (en)
Ordezkatzen du	Royal Scottish Museum (en)
Zerbitzuak
Kontaktua
Helbidea	Chambers Street
Webgune ofiziala

Eskoziako Museo Nazionala (ingelesez National Museum of Scotland) Eskoziako Edinburgh hirian dagoen museo bat da. Chambers Street kalea eta George IV Bridge zubiaren arteko bidegurutzean kokatua dago. A mailako eraikina izendaturik dago.

2006. urtetik aurrera antzinako objetu, kultura eta historiari buruzko Eskoziako Museoa ("Museum of Scotland") eta aldameneko zientzia, teknologia, natura eta munduko kulturei buruzko Errege Museoak ("Royal Museum") osatzen dute.

Historia

Museoaren historia 1780 urtean hasi zen Eskoziako antikuarioen elkartea izenarekin (Society of Antiquaries of Scotland), baina 1858an bere bilduma Edinburgheko Hiri Berrian dagoen National Museum of Antiquities of Scotland-era eraman zuten.

1861 urtean Eskoziako Museo Industriala (Industrial Museum of Scotland) fundatu zen eta 1866an Edinburgheko Zientzia eta Artearen Museoa (Edinburgh Museum of Science and Art) izena hartu zuen. 1904an Eskoziako Errege Museoa (Royal Scottish Museum) bihurtu zen.

1985ean Eskoziako Errege Museoak eta Eskoziako Aintzinako gauzen Museoak bat egin zuten Eskoziako Museo Nazionala bihurtuz baina leku faltagatik eraikin banatan jarraitu zuten, harik eta 1998an gaur egungo eraikina altxatu zuten arte. 2008an berriztatze lanak zirela eta museoa itxi egin zuten eta 2011ean ireki zituen ateak.

Iruditegia

• 
  Areto Handia.
• 
  Museoaren barnealdea. Lehenbiziko solairuaren ikuspegia bosgarren solairutik.
• 
  Terraza, bertan Andy Goldsworthyen artelanak daude.
• 
  Museoaren beheko solairua.
• 
  750. urteko Monymusk erlikia.
• 
  Andy Goldworthy-ren bale hezurrez eginiriko eskulturak museoaren behealdeko solairuan.
• 
  Eduardo Paolozziren eskulturak.
• 
  Lewis uharteko xake piezak, museo honetan modu iraunkorran erakusgai dauden piezak.

Kanpo estekak

• Eskoziako Museo Nazionalaren webgunea (Ingelesez)

• Datuak: Q1633842
• Multimedia: National Museum of Scotland / Q1633842
• Espezieak: NMSE